Azərbaycan Mərkəzi Bankı (AMB) “Guavapay”, “CİBPay” və “Baku Pay” MMC-lərə icrası məcburi göstəriş verib.
Bu qərar, AMB-nin “Ödəniş təşkilatları və elektron pul təşkilatları tərəfindən fəaliyyətin təşkili və həyata keçirilməsi Qaydası”nın 4.3-cü bəndində nəzərdə tutulan məcmu kapitalın minimum miqdarına olan tələbin pozuntusunun aradan qaldırılması, həmçinin daxili nəzarət sistemlərinin təkmilləşdirilməsi məqsədilə qəbul olunub.
Mərkəzi Bank bu göstərişi, “Ödəniş xidmətləri və ödəniş sistemləri haqqında” Azərbaycan Respublikası Qanununun 63.1-ci maddəsinə əsaslanaraq verib.
Mənbə: Azərbaycan Mərkəzi Bankı