Azərbaycan Mərkəzi Bankı (AMB) Türkiyənin Sığorta və Özəl Pensiya Tənzimləmə və Nəzarət Agentliyi ilə mövcud və gələcək əməkdaşlıq məsələlərini müzakirə edib.
BNN.az-ın məlumatına görə, bu barədə AMB sədri Taleh Kazımov Twitter sosial platformasında yazıb.
“Türkiyənin Sığorta və Özəl Pensiya Tənzimləmə və Nəzarət Agentliyinin sədri Mehmet Akif Eroğlu və Sığorta Məlumat və Monitorinq Mərkəzinin rəhbəri Serkan Avcının iştirakı ilə hər 2 təşkilatın nümayəndə heyəti ilə video konfrans formatında görüşdük. Görüşdə təşkilatlarımız arasında mövcud və gələcək əməkdaşlıq məsələlərini müzakirə etdik”, – deyə AMB sədri qeyd edib.