Mərkəzi Bank tərəfindən davamlı olaraq tədavülə yubiley və xatirə pul nişanları buraxılır.
Vətəndaşlar yubiley və xatirə pul nişanlarını kommersiya banklarından, Mərkəzi Bankın Bakı şəhəri və regionlarda fəaliyyət göstərən “Nağd pul ofisləri”ndən əldə edə bilər.
Eyni zamanda Mərkəzi Bank əhalinin bu pul nişanlarına əlçatanlığının artırılması və məmnunluğunun təmin edilməsi məqsədilə ötən ildən etibarən Elektron Satış Sistemini istifadəyə vermişdir. Bu Sistem vasitəsi ilə yubiley və xatirə pul nişanları real vaxt rejimində nağdsız qaydada (ödəniş kartları vasitəsilə) satın alına bilər.
Əlavə suallarla bağlı Mərkəzi Bankın “Qaynar xətt”inə (966) müraciət oluna bilər.