Mərkəzi Bankın təşəbbüsü ilə Azərbaycan Sığortaçılar Assosiasiyası və ona üzv olan sığortaçıların nümayəndələri üçün görüş təşkil olunub. Görüş çərçivəsində Mərkəzi Bankın maliyyə xidmətləri istehlakçılarının hüquqlarının müdafiəsi sahəsindəki fəaliyyəti ilə bağlı təqdimat keçirilib.
Həmçinin maliyyə xidmətləri istehlakçılarının hüquqlarının müdafiəsi sahəsində qarşılıqlı əməkdaşlığın gücləndirilməsi, onlara göstərilən xidmət keyfiyyətinin yüksəldilməsi və gündəlikdə duran digər məsələlər ilə bağlı müzakirələr aparılaraq iştirakçıları maraqlandıran suallar cavablandırılıb.