Bu gün Mərkəzi Bankda Avropa Yenidənqurma və İnkişaf Bankının (AYİB) nümayəndə heyəti ilə görüş keçirilib. AYİB-in Maliyyə institutları üzrə icraçı direktoru Frensis Malijin rəhbərlik etdiyi nümayəndə heyəti ilə görüş zamanı ölkənin iqtisadiyyatında və bank sektorunda mövcud trendlər, bank tənzimlənməsi üzrə prioritetlər, maliyyə sənayesində inklüzivliyin təşviqi kimi məsələlər əhatə olunub. Görüşdə həmçinin Mərkəzi Bank ilə AYİB arasında mövcud və potensial əməkdaşlıq istiqamətləri üzrə müzakirələr də aparılıb.