Azərbaycan Banklar Assosiasiyası tərəfindən bank əməkdaşları üçün xarici ekspertlərin iştirakı ilə növbəti vebinar təşkil edilmişdir.
22 aprel 2021-ci il tarixində 1989-cu ildən bəri qabaqcıl rus və beynəlxalq şirkətlərə insanların idarə olunması sahəsində ən yaxşı həlləri tapmaqda kömək edən, işçiləri qiymətləndirmək, potensiallarını inkişaf etdirmək və iş səmərəliliyinin artırılmasına yönəlmiş sistemlərin yaradılmasında ixtisaslaşmış şirkətlərdən biri olan “ECOPSY Consulting” şirkətinin dəstəyi və ABA-nın “İnsan resurslarının idarəedilməsi üzrə” Ekspert Qrupunun təşkilati dəstəyi ilə Azərbaycan bankların əməkdaşları üçün “Məsafəli işin biznesin böyüməsinə və inkişafına səbəb olması üçün nə etmək lazımdır” mövzusunda vebinar keçirilmişdir. Rus dilində keçirilmiş vebinarın moderatorları Pavel Degtyarev və Maya Kolosnitsyna mövzu haqqında ümumi məlumat vermiş, insan resurslarının idarəedilməsində rolu və prosesi haqqında təqdimat nümayiş etdirmiş, ABA-ya üzv qurumların nümayəndələrinin suallarını cavablandırmışlar.