Azərbaycan Respublikası Maliyyə Nazirliyinin müvafiq əmri ilə təsdiq edilmiş Maliyyə Elm-Tədris Mərkəzində 2023-cü il üzrə tədrisin keçirilməsi üçün plan-qrafikə uyğun olaraq aprelin 5-də rayon-şəhər üzrə maliyyə idarələrinin rəhbərləri üçün təlimlərə başlanılıb. “Büdcə sistemi, dövlət büdcəsinin iqtisadi mahiyyəti və büdcə siyasəti” mövzusunda keçirilən təlimlər iki gün davam edəcək.
Həmçinin təlim müddətində dinləyicilərə “Müasir şəraitdə dövlət büdcəsinin səmərəli idarə olunması”, “Nomativ-hüquqi aktlar haqqında” Azərbaycan Respublikasının Konstitusiya qanununun tətbiqi, dövlət büdcəsinə dair qəbul edilən normativ-hüquqi aktlar və onların tətbiqi məsələləri , “Dövlət Satınalamaları haqqında” Azərbaycan Respublikası Qanununun tətbiqi məsələləri”, “Dövlət büdcəsinin uçotu və hesabatı”, “Dövlət büdcəsinin gəlirlərinin, o cümlədən dövlət büdcəsinin qeyri-neft gəlirlərinin və dövlət büdcəsinin neft gəlirlərinin proqnozlaşdırılması qaydası”, “Mühasibat uçotu sahəsində büdcə təşkilatları ilə əlaqədar qanunvericilik aktlarının tələbləri”, “Dövlət qulluqçularının etik davranış qaydaları”, “Mədəni –kütləvi tədbirlər” mövzuları üzrə mühazirələr keçirilir.