Azərbaycan Banklar Assosiasiyasının (ABA), Azərbaycan Sığortaçılar Assosiasiyasının, Azərbaycan Mikromaliyyə Assosiasiyasının, Azərbaycan Fintex Assosiasiyası İctimai Birliyinin və Azərbaycan Fond Bazarı İştirakçılarının Assosiasiyasının nümayəndələrinin iştirakı ilə Mərkəzi Bankda görüş təşkil olunub.
Görüş çərçivəsində Azərbaycan Respublikasının İnsan Hüquqları üzrə müvəkkili (ombudsman) tərəfindən elan edilmiş “İnsan hüquqları aylığı” kampaniyası çərçivəsində maliyyə sektoru üzrə nəzərdə tutulan birgə tədbirlər müzakirə olunub.
Tədbir zamanı maliyyə xidmətləri istehlakçılarının hüquqlarının müdafiəsinin gücləndirilməsi, assosiasiyalarla birgə layihələrin icrası və üzv təşkilatların iştirakı ilə yaradılmış işçi qrupların fəaliyyətinin effektivliyinin artırılması məsələləri üzrə fikir mübadiləsi aparılıb.
Qeyd edək ki, ABA tərəfindən maliyyə xidmətləri istehlakçılarının hüquqlarının təmin edilməsi və sektordaxili koordinasiyanın artırılması məqsədilə birgə əməkdaşlıqlara xüsusi önəm verilir.