Bu gün keçirilən “Maliyyə və İnvestisiya Forumu”nda Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov KOB-ların maliyyə resurslarına, o cümlədən alternativ maliyyə alətlərinə çıxışı, KOBİA-nın bu sahədə göstərdiyi dəstək barədə məlumat verib.
Qeyd olunub ki, maliyyə resurslarına əlçatanlıq səviyyəsi yeni biznesə başlamaq və ya mövcud biznesi inkişaf etdirmək üçün önəmlidir. Ölkəmizdə sahibkarlığın maliyyə ehtiyaclarını dəstəkləmək üçün mütəmadi olaraq təşəbbüslər reallaşdırılır. Agentlik tərəfindən KOB subyektlərinin alternativ maliyyə alətlərinə çıxışını genişləndirəcək institusional fəaliyyət həyata keçirilir.