MBNP tərəfindən Azərbaycan Kooperasiya Universitetində qiymətli kağızlar bazarı haqqında maarifləndirici seminar keçirilib

Azərbaycan Respublikasının Prezidentinin 06 dekabr 2016-cı il tarixli Fərmanı ilə təsdiq edilmiş “Azərbaycan Respublikasında maliyyə xidmətlərinin inkişafına dair Strateji Yol Xəritəsi”ndə nəzərdə tutulmuş sahiblik düşüncə tərzinin dəyişdirilməsi və maliyyə savadlılığının artırılması istiqamətində tədbirlərdən biri olaraq Azərbaycan Respublikasının Maliyyə Bazarlarına Nəzarət Palatası və Azərbaycan Kooperasiya Universitetinin Maliyyə və bank işi kafedrasının birgə təşkilatçılığı ilə qiymətli kağızlar bazarı haqqında növbəti maarifləndirici seminar keçirilib.

Seminarda Maliyyə Bazarlarına Nəzarət Palatasının, Bakı Fond Birjasının və Azərbaycan Fond Bazarı İştirakçılarının Assosiasiyasının mütəxəssisləri tərəfindən təqdim olunan mövzular tələbələr tərəfindən böyük maraqla qarşılanıb.

 İnteraktiv metodlar və dialoq formasında keçirilən seminar  çərçivəsində qiymətli kağızlar bazarının iştirakçıları və alətləri, investisiya qiymətli kağızları, kapital bazarlarında maliyyələşmə, investisiya xidmətlərinin növləri və emitentlərin Bakı Fond Birjasında listinqinə dair nəzəri və praktiki mövzuları əhatə edən təqdimat mövzuları müzakirə olunub.

Təcrübə və diskussiyalarla zəngin olan təlimdə Azərbaycan Kooperasiya Universitetinin akademik heyəti və tələbələri iştirak edib.

Media orqanları əlavə məlumat almaq üçün www.fimsa.az səhifəsi və press@fimsa.az elektron poçt ünvanına müraciət edə bilərlər.

© Materiallardan istifadə edərkən hiperlinklə istinad olunmalıdır