Beynəlxalq fast food şəbəkəsi McDonald’s ABŞ-da qida qalmaqalına qarışıb.
BBN.az xəbər verir ki, ABŞ beynəlxalq fast food şəbəkəsi McDonald’s-la bağlı qida qalmaqalı ilə sarsıldı. ABŞ Xəstəliklərə Nəzarət və Qarşısının Alınması Mərkəzlərinin (CDC) verdiyi açıqlamada McDonald’s “Royal Cheeseburger” hamburgerini yeyən 49 nəfərin Escherichia coli (E.coli) bakteriyasına görə xəstələndiyi, 10 nəfərin isə xəstəxanaya yerləşdirildiyi bildirilib. Xəstələrin McDonald’s-da xüsusilə “Royal Cheeseburger” hamburgerini yediklərini,sonra isə özlərini pis hiss etdiklərini ifadə etdikləri qeyd edildi.Kolorado əyalətində yaşayan 1 nəfərin öldüyü açıqlanıb.
Yaşanan qalmaqaldan sonra McDonald’s səhmləri təxminən 9 faiz dəyər itirib.Zəhərlənmə ilə əlaqəli konkret inqrediyent hələ müəyyən edilməyib.