ABŞ-da Meta şirkətinə məxsus “WhatsApp” mesajlaşma platformasının keçmiş təhlükəsizlik rəhbəri şirkəti məhkəməyə verib.
BBN.az xəbər verir ki, The New York Times yazır ki, sabiq rəhbər proqramda milyardlarla istifadəçini təhlükə altına qoyan ciddi zəifliklərin uzun müddət aradan qaldırılmadığını iddia edir.
Onun sözlərinə görə, minlərlə Meta əməkdaşı “WhatsApp” istifadəçilərinin məxfi məlumatlarına çıxış imkanına malikdir. Bundan başqa, şirkət hər gün 100 minlərlə hesabı hədəf alan kiberhücumların qarşısını almaqda yetərincə səy göstərmir.
Keçmiş rəhbər Baig bildirib ki, təhlükəsizlik boşluqları barədə şirkət rəhbərliyini, o cümlədən Mark Zuckerberg-i məlumatlandırıb. Ancaq bu addımdan sonra ona qarşı qisas xarakterli addım atılıb və fevralda işdən azad edilib.
Meta isə ittihamları rədd edir. Şirkət sözçüsü açıqlamasında deyib ki, səslənən fikirlər əsassızdır və zəif performansa görə işdən çıxarılan sabiq əməkdaşın komandanın fəaliyyətini kölgədə qoymaq cəhdidir.