8 iyun 2021-ci il tarixində «Azərbaycan Respublikasının 2020-ci il dövlət büdcəsinin icrası haqqında» Azərbaycan Respublikasının Qanunu Milli Məclisdə qəbul edilib.
2020-ci ildə dövlət büdcəsinin gəlirləri 24124,0 mln. manat proqnoza qarşı 24681,7 mln. manat və ya 102,3 faiz icra, dövlət büdcəsinin xərcləri 27492,2 mln. manat proqnoza qarşı 26416,3 mln. manat və ya 96,1 faiz icra edilib.
Strukturuna görə 2020-ci il dövlət büdcəsi xərclərinin 16656,9 mln. manatı və ya 63,1 faizi cari xərclərə, 8033,2 mln. manatı və ya 30,4 faizi əsaslı xərclərə, 1726,2 mln. manatı və ya 6,5 faizi dövlət borcuna və öhdəliklərinə xidmətlə bağlı xərclərə yönəldilib.
2020-ci il dövlət büdcəsinin kəsiri 1734,6 mln. manat təşkil etmişdir ki, bu da proqnozlaşdırılan kəsrdən 1633,5 mln. manat az olmuşdur.
2020-ci ilin sonuna vahid xəzinə hesabının sərbəst qalığı 1526,1 mln. manat təşkil etmişdir.
Azərbaycan Respublikasının 2020-ci il dövlət büdcəsinin icrası haqqında