“Moody’s” ABŞ-ın Kredit Reytinqini Aşağı Salan Sonuncu Reytinq Agentliyi Oldu.
BBN.az xəbər verir ki, beynəlxalq kredit reytinqi agentliyi “Moody’s” ilk dəfə olaraq ABŞ-ın kredit reytinqini aşağı salıb.
Agentlik yarandığı gündən bəri ABŞ-a ən yüksək – “Aaa” səviyyəsində kredit reytinqi verirdi. Lakin bu dəfə “Moody’s” ABŞ-ın uzunmüddətli emitent və yüksək səviyyəli təminatsız istiqraz reytinqlərini bir pillə azaldaraq “Aaa”dan “Aa1” səviyyəsinə endirib.
Qeyd edək ki, “Moody’s” ABŞ-ın kredit reytinqini ən yüksək səviyyədə saxlayan sonuncu böyük reytinq agentliyi idi. Daha əvvəl, “S&P Global” 2011-ci ildə, “Fitch” isə 2023-cü ildə ABŞ-ın kredit reytinqini bir pillə aşağı salmışdı.
Agentlik bu qərarını 2023-cü il üçün iqtisadi və maliyyə proqnozlarının zəifləməsi ilə əsaslandırıb.