Müflis elan edilmiş bankın aktivləri onun kreditorları arasında yeni növbəlilik qaydasında bölüşdürüləcək.
Bu məsələ Milli Məclisin noyabrın 15-də keçirilən iclasında müzakirəyə çıxarılan “Banklar haqqında” Qanunda dəyişiklik edilməsi haqqında qanun layihəsində əksini tapıb.
Sənəd layihəsinə əsasən, bu halda dövlət büdcəsinə vergilər, büdcədənkənar dövlət fondlarına məcburi dövlət sosial sığorta haqları və işsizlikdən sığorta haqları, habelə icbari tibbi sığorta fonduna icbari tibbi sığorta haqları üzrə ödənilməli məbləğlər ödəniləcək.
Qanuna edilən dəyişiklik müflis bankın dövlət büdcəsinə və büdcədənkənar dövlət fondlarına ödəməli olduğu vergi və digər məcburi ödənişlərin heç bir müddət məhdudiyyəti tətbiq edilmədən tam məbləğdə ödənilməsini nəzərdə tutur.
Qanun layihəsi birinci oxunuşda təsdiqlənib.
AZƏRTAC