Bu ilin yanvar–sentyabr aylarında Naxçıvan Muxtar Respublikasında 389 milyon manat həcmində yeni kredit verilib.
Bu barədə məlumatı Azərbaycan Mərkəzi Bankının Naxçıvan idarəsi yayıb.
Rəqəmlərə əsasən, yeni kreditlərin 65,7%-i istehlak kreditlərinin payına düşüb. Bu göstərici 2021-ci ilin eyni dövründə 81,8% təşkil edirdi.
AMB bildirir ki, istehlak kreditlərinin payının azalması kreditləşmədə diversifikasiyanın artdığını göstərir. Digər kredit növlərində ciddi yüksəliş qeydə alınıb:
-
Sənaye kreditləri: 5,2%-dən 14,7%-ə yüksəlib
-
Ticarət və xidmət kreditləri: 2,1%-dən 12,5%-ə artıb
-
İpoteka kreditləri: 2,9%-dən 2%-ə enib
Məlumatda qeyd olunur ki, 2021–2025-ci illərin 9 aylıq dövrlərinin müqayisəsi kredit portfelinin daha balanslı şəkildə formalaşdığını, real sektorun – xüsusilə sənaye, ticarət və xidmət sahələrinin kreditləşməsində artım olduğunu təsdiqləyir.