ABŞ və İsrailin İranla müharibəsinin genişlənməsi qlobal enerji bazarlarını yenidən silkələyib. Yaxın Şərqdə tanker hücumları və limanların bağlanması fonunda neftin qiyməti yenidən $100/barrel səviyyəsini keçib. Beynəlxalq bazarlarda Brent crude oil 9%-dən çox bahalaşaraq $100.25, ABŞ markası West Texas Intermediate isə təxminən $93.67 səviyyəsinə yüksəlib.
Məlumatlara görə, Fars körfəzində İraq və Küveyt yaxınlığında iki beynəlxalq neft tankeri hücuma məruz qalıb və gəmilərdə yanğın baş verib. Yerli mənbələr hücumun İran tərəfindən həyata keçirildiyini iddia edir.
Eyni zamanda, Oman hökuməti təhlükəsizlik səbəbilə Mina Al Fahal Port neft terminalından bütün gəmilərin təxliyə edildiyini açıqlayıb.
Ekspertlər bildirir ki, İranın Hörmuz boğazını bağlamaqla hədələməsi vəziyyəti daha da gərginləşdirir. Bu boğazdan dünya neftinin təxminən 20%-i daşınır.
Enerji şokunun qarşısını almaq üçün Beynəlxalq Neft Agentlkiyi rekord həcmdə – 400 milyon barrel strateji ehtiyatın bazara buraxılmasını planlaşdırır. ABŞ prezidenti Donald Trump da ölkənin strateji ehtiyatlarından 172 milyon barrel neftin satışa çıxarılacağını bildirib.
Hazırda müharibənin 13-cü günü davam edir və enerji bazarlarında qeyri-müəyyənlik qalmaqdadır.