Qlobal enerji bazarında gərginlik artır. Neft qiymətləri Asiya sessiyasında yenidən yüksələrək son 7 ayın maksimumuna yaxın səviyyədə qərarlaşıb. İnvestorlar bu həftə baş tutacaq ABŞ–İran danışıqlarına fokuslanıb.
Brent markalı neft 0.8% bahalaşaraq 72.04 dolları keçib.
WTI (West Texas Intermediate) isə 66.81 dollar səviyyəsinə yüksəlib.
Hər iki etalon əvvəlki sessiyada 7 ayın pik həddini test etsə də, bağlanışda cüzi geriləmə qeydə alınmışdı. Hazırda investorları yalnız bir məsələ düşündürür: ABŞ–İran Danışıqları: Razılaşma, yoxsa Yeni Böhran? Vaşinqton və Tehran arasında Cenevrədə keçiriləcək növbəti nüvə danışıqları bazarlarda risk iştahını azaldıb. ABŞ prezidenti Donald Trump sosial mediada bildirib ki, razılaşma əldə olunmasa, İran üçün “çox pis gün” olacaq. Analitiklər isə bildirirlər ki, razılaşma olarsa → bazardakı “risk premiumu” sürətlə azalacaq və neft ucuzlaşa bilər. Danışıqlar uğursuz olsa isə → Hörmüz boğazı ətrafında gərginlik və sanksiyaların sərtləşməsi riski qiymətləri daha da yüksəldə bilər. Xatırladaq ki, təkcə ötən həftə mümkün hərbi eskalasiya qorxusu nefti təxminən 6% bahalaşdırıb. Digər tərəfdən, ABŞ Ali Məhkəməsinin əvvəlki tarif qərarını ləğv etməsindən sonra Tramp administrasiyası 15%-ə qədər yeni rüsumlar tətbiq etməyə hazırlaşır Bu isə:
- Qlobal iqtisadi artım tempinə təzyiq yarada bilər
- Yanacağa olan tələbat proqnozlarını zəiflədə bilər
- Neftin yüksəlişini məhdudlaşdıra bilər
Qeyd edək ki, hazırda bazar iki əsas risk arasında sıxışıb:
1. Yaxın Şərqdə geosiyasi partlayış riski
2. Qlobal ticarət müharibəsinin yenidən alovlanması
Əgər diplomatiya iflasa uğrasa, neftdə yeni rallinin şahidi ola bilərik. Əks halda isə qiymətlərdə sürətli korrektiv eniş mümkündür.