Neft qiymətləri çərşənbə günü sabit qalıb. Əvvəlki sessiyada təxminən 1% geriləmənin ardından bazarda təklifin tələbi üstələyə biləcəyi ilə bağlı narahatlıqlar artımı məhdudlaşdırıb. İnvestorlar eyni zamanda Rusiya-Ukrayna arasında davam edən sülh danışıqlarından irəliləyiş gözləyirlər.
BBN.az xəbər verir ki, Brent markalı neft fyuçersləri son məlumata görə 11 sent və ya 0,2% artaraq 62,05 dollara yüksəlib. ABŞ-ın West Texas Intermediate (WTI) markalı xam nefti isə 13 sent və ya 0,2% artımla 58,38 dollar səviyyəsində qərarlaşıb.
Bazar iştirakçıları həm geosiyasi gedişat, həm də qlobal iqtisadi aktivliyin zəifləməsi fonunda enerji sektorunda balansın necə formalaşacağını diqqətlə izləyirlər.