2025-ci ilin oktyabr ayında dünyada tam elektriklə işləyən avtomobillərin və elektrik şəbəkəsinə qoşulan hibridlərin satış həcmi 1,9 milyon ədəd təşkil edib. Bu, ötən ilin eyni dövrü ilə müqayisədə 23% artım deməkdir.
Avropada elektromobil satışları 36% artaraq 372 min ədədə çatıb. Ən çox satış Almaniya, Fransa və Böyük Britaniyada qeydə alınıb. Çində isə satışlar 1,3 milyon elektromobilə yüksəlib.
Bununla yanaşı, Şimali Amerikada satışlar 41% azalıb və 100 min ədəd təşkil edib. Bu enişin əsas səbəbi ABŞ-də 30 sentyabrdan etibarən yeni elektromobillər üçün tətbiq olunan 7,5 min dollarlıq vergi güzəştinin ləğv edilməsi olub.
Avropa, ABŞ və Çin bazarları istisna olmaqla, dünyanın digər regionlarında satışlar 37% artaraq 141 mindən çox elektromobilə çatıb.
“Rho Motion” mütəxəssisləri ilin sonuna qədər həm Avropa, həm də Çin bazarlarında güclü satış artımı proqnozlaşdırırlar.