Bazar günü, iyunun 4-də OPEC + ölkələrinin növbəti iclasında Səudiyyə Ərəbistanı neft istehsalını gündəlik 1 milyon barrel azaltması ilə bağlı qərar qəbul edib. Bu qərar isə iyuldan başlayaraq tətbiq edilməyə başlayacaq.
BBN.az CNBC Business nəşrinə istinadən xəbər verir ki, lakin təşkilata üzv olan digər ölkələr isə ilin qalan vaxtı üçün neft istehsalını azaltmaq ilə bağlı əvvəlki planlarında dəyişiklik etməyiblər.
Səudiyyə Ərəbistanının Enerji naziri iclasda deyib ki, ölkənin istehsalı maydakı təxminən 10 milyon barreldən 9 milyon barrelə qədər azaldacaqlar.
Qeyd edək ki, Səudiyyə Ərəbistanının OPEC+ ölkələrinin iclasındakı açıqlamasından sonra dünya bazarında neftin qiymətlərində artım müşahidə edilib.