“2022-ci ilin ilk 6 ayında PAŞA Bank-ın cəmi aktivlərinin həcmi 7,434,572 min manat olub, 2021-ci ilin dekabr məlumatına görə isə bu rəqəm 6,426,856 min manat idi. Ötən aylar ərzində artım isə 15.7% olub”.
BBN.az xəbər verir ki, bu haqda bu gün PAŞA Bankın təşkil etdiyi mətbuat konfransında Bankın idarə heyətinin üzvü, baş maliyyə inzibatçısı Murad Süleymanov bildirib.
Onun sözlərinə, əsasən 2022-ci ilin ilk 6 ayında faiz qazandıran aktivlərin ümumi aktivlərdə payı 74.4% olub. 2021-ci il dekabr məlumatına, əsasən bu rəqəm 77,2% idi: “Faiz qazandıran aktivlərin ümumi aktivlərdə payı isə 2.8% azalıb”.
Murad Süleymanov qeyd edib ki, belə bir azalma bazarlardakı qeyri-müəyyənlikdən dolayı baş verib. “ABŞ Mərkəzi Bankının (FED) 2022-ci ilin dekabrın sonunda da faiz dərəcələrini artıracağı ilə bağlı proqnoz vardır”, – deyə o, mətbuat konfransında sözlərinə əlavə edib.