16 iyul tarixində ölkənin aparıcı korporativ maliyyə institutu “PAŞA Bank” “PMD Projects” şirkəti ilə tərəfdaşlıq çərçivəsində “Təchizat zəncirinin maliyyələşdirilməsi” adlı faktorinq forumu keçirib.
Bakıda keçirilən tədbirdə tikinti və təmir sektorunda fəaliyyət göstərən şirkətlərin nümayəndələri, ölkənin maliyyə seqmentinin təmsilçiləri, “PAŞA Bank”, “PMD Projects” rəsmiləri və ümumilikdə 100-dən çox digər qonaqlar iştirak edib.
Forum iştirakçıları ödəniş və təchizat imkanlarının araşdırılması, alternativ hesab ödəniş modelləri ilə tanışlıq və faktorinq məhsulunun istifadəsi, həmçinin faydaları və bir sıra digər mövzuları müzakirə ediblər.
Panel müzakirələrində faktorinq məhsulu vasitəsilə maliyyə əməliyyatlarının nizamlanması, ödəniş dövriyyələrinin azaldılması və gecikdirilmiş ödənişlərlə bağlı risklərin aradan qaldırılmasına dair ətraflı məlumat paylaşılıb.
Tədbir zamanı, növbəti dövrdə birgə iş imkanları, işgüzar əlaqələr və əməkdaşlıq istiqamətləri müəyyənləşdirilib.
Qeyd edək ki, “PAŞA Bank” 2024-cü ilin mart ayında Azərbaycanda ilk “Faktorinq Klubu”nu yaratdı. Əsas məqsəd alıcı şirkətlər, onların təchizatçıları və “PAŞA Bank” arasında qarşılıqlı biznes əlaqələrini genişləndirmək, kiçik və orta sahibkarların faktorinq məhsulundan daha çox faydalanması üçün şərait yaratmaq və bununla da bazarda rəqabət üstünlüklərini gücləndirməkdir.
Bank 2014-cü ildən etibarən ölkədə faktorinq xidmətləri göstərir. Xidmətdən yalnız “PAŞA Bank”ın müştəriləri deyil, ölkədə fəaliyyət göstərən digər hüquqi şəxslər və fərdi sahibkarlar da istifadə edə bilər.
Faktorinq məhsulunun bütün üstünlükləri haqqında ətraflı məlumat almaq və onlayn müraciət forması üçün bu linkə keçid alın.