Fəaliyyətində mütəmadi olaraq Korporativ Sosial Məsuliyyət layihələrinə yer verən PAŞA Sığorta şirkətinin əməkdaşları Qurban bayramı ərəfəsində “GİD CSR Consulting” şirkətinin dəstəyi ilə Şəki şəhərində yerləşən 6 saylı Uşaq Evini ziyarət ediblər.
“Uşaq evindən sənə məktub var” layihəsi çərçivəsində uşaqlar tərəfindən məktublar vasitəsilə yazılan arzular PAŞA Sığorta əməkdaşları tərəfindən reallaşdırılıb. Səfər çərçivəsində 70-ə yaxın uşağa hədiyyə təqdim olunub.
PAŞA Sığorta heyəti uşaq evinin sakinləri ilə maraqlı zaman keçirib və sonda birgə xatirə şəkili çəkdirib.
Hazırda qeyri-həyat sığortası üzrə bazar payına görə lider olan PAŞA Sığorta şirkəti 2006-cı ildən etibarən fəaliyyət göstəririr. “PAŞA Holding” qrupunun üzvü olan “PAŞA Sığorta” 700.000-ə yaxın korporativ və fərdi müştərisinə könüllü və icbari sığorta növləri üzrə 36-dan artıq xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.