ABŞ mərkəzli “PayPal” holdinqi Yaponiyanın ödəmə texnologiyaları üzrə ixtisaslaşan “Paidy” şirkətini satın alacaq. 345 milyard dollar bazar kapitalizasiyasına malik olan holdinq bu satınalma üçün 2.7 milyard dollar (300 milyard yen) ödəyəcəyini açıqlayıb.
“PayPal” şirkətinin prezidenti mətbuata açıqlamasında “Paidy” şirkətinin oktyabr ayından etibarən “PayPal”ın tərkibinə keçəcəyini və bununla da holdinqin Yaponiyada e-kommersiya fəaliyyətlərinin gəlirliliyinin kəskin artacağını vurğulayıb. Qeyd edək ki, Yaponiya dünyanın ən güclü iqtisadiyyatlarından biri olsa da, ölkə daxilində tranzaksiyaların 70%-i nağd pul ilə həyata keçirilir. Bu isə, “PayPal” şirkətinin ölkədə e-kommersiya fəaliyyətlərinə başlaması üçün güclü potensialın olmasının göstəricisidir.