Qazaxıstan sahibkarları “Bakı KOB evi”nin fəaliyyəti ilə tanış olublar.
Azərbaycanda səfərdə olan Qazaxıstan sahibkarları ilə “Bakı KOB evi”ndə görüş keçirilib. Görüşdə Qazaxıstandan olan 20-yə yaxın sahibkar, KOBİA-nın İdarə Heyətinin sədri Orxan Məmmədov və Qazaxıstan Xarici Ticarət Palatasının Aparat rəhbəri Assan Jakişev iştirak ediblər.
Tədbir çərçivəsində KOBİA tərəfindən ölkəmizin biznes və investisiya qoyuluşu imkanları, sahibkarlara göstərilən dəstək tədbirləri və iş adamları arasında əməkdaşlıq perspektivləri barədə məlumat verilib, onları maraqlandıran suallar cavablandırılıb.
Qonaqlar həmçinin, “Bakı KOB evi”nin fəaliyyəti ilə də tanış olublar.