Rusiya Federasiyası Baş Nazirinin müavini Aleksandr Novak ölkə iqtisadiyyatının cari və gələcək perspektivləri ilə bağlı Rossiya 24 telekanalına müsahibə verib. Müsahibəsində neft-qaz sektoruna da toxunan Novak Rusiyanın 2021-ci ilin sonuna planlaşdırılan neft hasilatının ötən ili sonu ilə müqayisədə 2.1% artıq olacağını vurğulayıb. Qaz hasilatının 10%, kömür hasilatının 9.5%, elektrik enerjisi istehsalının isə 6% artıq olacağını açıqlayıb.
İl sonuna təqribi 524 milyon ton neft hasilatı proqnozlaşdırıldığını açıqlayan Novak 2022-ci ildə hasilatın daha da artırılacağını bildirib. Dİgər tərəfdən neft qiymətlərinə toxunan Novak 2022-ci ildə neftin barel qiymətlərinin 75 dollar civarında dövr edəcəyini proqnozlaşdırdıqlarını açıqlayıb.
Məlumat üçün qeyd edək ki, 2021-ci ildə Rusiya Federasiyasının neft-qaz gəlirlərinin büdcədə 8.5 trilyon rubl (116.1 milyard dollar) olaraq qeyd olunması gözlənilir.