Rusiya Mərkəzi Bankının rəsmi saytında dərc olunan məlumata görə, ölkənin beynəlxalq ehtiyatları 12–19 dekabr tarixləri arasında 1,6 % artaraq 752,6 milyard ABŞ dollarına çatıb və bununla da tarixi rekord müəyyən edib.
12 dekabr tarixinə Rusiyanın beynəlxalq ehtiyatları 741 milyard dollar təşkil edirdi. Bildirilir ki, ötən il ərzində ehtiyatların həcmi ümumilikdə 1,8 % artıb. 2025-ci il yanvarın 1-nə olan məlumata əsasən isə ölkənin beynəlxalq ehtiyatları 609,1 milyard dollar səviyyəsində olub.
Qeyd edək ki, Rusiyanın beynəlxalq qızıl-valyuta ehtiyatları Mərkəzi Bank və hökumətin sərəncamında olan yüksək likvidliyə malik xarici aktivlərdən formalaşır. Bu ehtiyatlara monetar qızıl, xüsusi borclanma hüquqları (SDR), Beynəlxalq Valyuta Fondunda (BVF) ehtiyat mövqeyi, eləcə də xarici valyutada vəsaitlər daxildir.