Səudiyyə Ərəbistanı Milli Bankının sədri Ammar al-Khudairy öz vəzifəsindən istefa verib.
BBN.az CNBC Business-ə istinadən xəbər verir ki, onu bu vəzifəsində Milli Bankın İcraçı direktoru və Qrup CEO-su Mohammed al-Ghamdi əvəz edəcək.
Onun istefasına səbəb isə martın ortasında bəyan etdiyi şərhi olub, belə ki, o, açıqlamasında deyib ki, Milli Bankın İsveçrənin Credit Suisse-də səhmini artırmaq ehtimalı azdır. Həmin zaman isə Avropanın adıçəkilən kreditoru investorların inamı ilə bağlı böhran içində idi. Açıqlama investorları təşvişə salmış və İsveçrə bankının səhmlərinin dəyəri 24% ucuzlaşmışdı. Lakin Bank isə açıqlamasında bildirir ki, Ammar al-Khudairy şəxsi səbəblərdən dolayı istefa verir.
Qeyd edək ki, İsveçrə Milli Bankı iflas dalğasının qarşısını almaq üçün ölkənin iki ən böyük bankları UBS və Credit Suisse-nin birləşdiyini elan edib.