Rusiyanın ən böyük bankı olan “Sberbank” ödəniş texnologiyaları üzrə xidmətlərin əhatə dairəsini genişləndirib. 18 fərqli ölkədə xidmət göstərən “Sberbank” Çin Xalq Respublikasında pul köçürmələri xidmətini istifadəyə verib.
“Western Union” ilə tərəfdaşlıq çərçivəsində həyata keçirilən bu layihə əsasında istifadəçilər 1%-lik komissiya qarşılığında “Sberbank” hesablarından “Alipay” hesabına pul köçürmələri həyata keçirə biləcəklər. Yuan valyutasında həyata keçiriləcək bu pul köçürmələri üçün qəbul edən şəxsin adı, soyadı və telefon nömrəsinin göstərilməsi kifayətdir.
Qeyd edək ki, Çində pul köçürmələri xidməti göstərən digər bank isə “Tinkoff” bankdır.