Sentyabr ayında enerji və ərzağın yüksək qiymətlərindən dolayı Almaniyada illik inflyasiya rekordunu yeniləyib və 10%-ə çatıb. Bu xəbər iqtisadi institutun 2023-cü ildə iqtisadiyyatın azalması ilə bağlı proqnozundan sonra gəlib.
BBN.az DW Business-ə istinadən xəbər verir ki, ölkənin Statistika Komitəsi – Destatis-in məlumatına, əsasən avqustda isə bu rəqəm 7.9% idi. İnflyasiyanın kəskin artmasına isə enerji qiymətləri təsir edir və bu situasiya isə Rusiyanın Ukraynaya hərbi hücumundan sonra baş verib.
Destatis-dən deyilib ki, enerji qiymətləri 2022-ci ilin sentyabrında ötən ilin analoji dövrü ilə müqayisədə 43.9% yüksək olub.
Almaniyanın kansleri Olaf Scholz cümə axşamı elan edib ki, “enerji yardım” paketinin qiyməti 150-200 milyard avro, yaxud 145-194 milyard dollar olacaq.
Kansler mətbuat konfransında açıqlamasında deyib ki, Almaniya hökuməti qiymətləri salmaq üçün hər şey edəcək.
2023-cü il üçün Almaniyada orta illik inflyasiya proqnozu isə 8.8%-dir.