Mərkəzi Bankın sədri Taleh Kazımovun rəhbərlik etdiyi nümayəndə heyəti Astana şəhərində Qazaxıstan Respublikasının Maliyyə Bazarının Tənzimlənməsi və İnkişafı Agentliyinin sədri Mədinə Abılkasımova ilə görüş keçirmişdir.
Görüş zamanı iki ölkənin maliyyə bazarları arasında gələcək əməkdaşlıq perspektivləri müzakirə edilmişdir.
Görüşdə həmçinin maliyyə bazarlarının fəaliyyətinin tənzimlənməsi sahəsində ötən ilin nəticələri barədə fikir mübadiləsi aparılmış, ümumilikdə maliyyə institutlarının fəaliyyətinə nəzarət məsələlərinə dair təcrübələr bölüşdürülmüşdür.