“Qazaxıstanlı həmkarım Timur Süleymenovun rəhbərlik etdiyi nümayəndə heyəti ilə Mərkəzi Bankda görüşməyə məmnun olduq. Görüş zamanı hər iki qurum tərəfindən pul siyasətinin əməliyyat çərçivəsinin təkmilləşdirilməsi və rəqəmsal ödəniş ekosisteminin genişləndirilməsi istiqamətində həyata keçirilən təşəbbüslərlə bağlı fikir mübadiləsi apardıq”.
BBN.az xəbər verir ki, bu haqda Azərbaycan Respublikasının Mərkəzi Bankının (AMB) rəhbəri Taleh Kazımov özünün LinkedIn platformasında qeyd edib.
“Maliyyə sektoru üçün aktual olan məsələlərin müzakirəsindən sonra qurumlar arasında mövcud qarşılıqlı əlaqələrin daha da möhkəmləndirilməsi və əməkdaşlığın dərinləşdirilməsi imkanlarını nəzərdən keçirdik”, – deyə AMB rəhbəri əlavə edib.