Bu gündən Böyük Britaniyada əsasən “Alphabet”, “Facebook” və “Amazon” kimi ABŞ-ın texnologiya nəhənglərinə yönəlmiş rəqəmsal verginin tətbiqinə başlanılıb. 2019-cu ilin yayında Fransanın eynitipli uğursuz addımından sonra Böyük Britaniyanın belə addım atması ABŞ-la olan ticarət müqaviləsini təhlükə altında qoyacağı proqnozlaşdırılır.
Belə ki, “Bloomberg Tax” agentliyinin məlumatına əsasən, beynəlxalq miqyasda 500 milyon funt sterlinq (580 milyon dollar), Böyük Britaniyada isə 25 milyon funt sterlinqdən çox mənfəət qazanan rəqəmsal texnologiya şirkətləri 2%-lik vergiyə cəlb olunacaqlar. Bu vergi tənzimləməsi nəticəsində Böyük Britaniya büdcəsinə illik 500 milyon funt sterlinqdən çox əlavə vergi gəliri daxil olması proqnozlaşdırılır.