ABŞ Prezidenti Donald Trampın İrana verdiyi son möhlətin (deadline) yaxınlaşması və Yaxın Şərqdə atəşkəs danışıqlarının nəticəsiz qalması qlobal neft bazarlarında qiymətləri yenidən yuxarı çəkib. Gərginlik artır, tədarük risk altındadır. ABŞ-ın yerli vaxtla saat 20:00-a təyin etdiyi ultimatum fonunda, “Brent” markalı neftin qiyməti artım tempini qoruyur. İnvestorlar İranın enerji infrastrukturuna mümkün hərbi zərbələrdən və bunun nəticəsində qlobal tədarük zəncirində yaranacaq qırılmalardan ciddi narahatlıq keçirirlər.
BBN.az xəbər verir ki, atəşkəs ümidləri azalır beləki, neftin bahalaşmasına təsir edən digər mühüm amil Livan üzrə atəşkəs danışıqlarının dalana dirənməsidir. Regional sabitliyin təmin olunmaması bazarda “risk mükafatını” artırır. Trampın “əgər razılaşma olmasa, hücum qaçılmazdır” mesajı neft treyderlərini daha ehtiyatlı davranmağa və alış mövqelərini gücləndirməyə sövq edir. Analitiklərin fikrincə, İranın neft ixracının hədəf alınması dünya bazarında ciddi kəsir yarada bilər ki, bu da yanacaq qiymətlərində yeni rekordların qırılmasına yol açacaq. Hazırda bütün diqqətlər Vaşinqtondan gələcək son qərara yönəlib.