21 noyabr 2023-cü il tarixində gün ərzində davam edən “Treasury Risk Management” mövzusunda vebinar keçirilmişdir.
Tədbir 13 iyun 2023-cü il tarixində Bakıda “Türkdilli Dövlətlərin Banklar Assosiasiyaları Şurası”nın ikinci iclası çərçivəsində üzv ölkələrin bankları üçün təlimlərin keçirilməsi ilə əlaqədar verilmiş qərara əsasən təşkil edilmişdir.
Vebinar treyninq və performansın inkişafı üzrə məsləhətçi professor Murat Akkaya tərəfindən aparılmışdır.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 23 bank və 6 qeyri-bank kredit təşkilatı ABA-nın üzvüdür.