Türkiyədə aprel ayı üzrə avtomobil ixracı göstəriciləri 596 milyon dollar səviyyəsində qərarlaşıb. Bu barədə məlumat, Uludağ Avtomobil Sənayesi İxracatçıları Birliyi tərəfindən dərc edilib. Hesabatda, göstəricinin ötən ilin aprel ayı ilə nisbətdə 77% geriləməsi nəzərə çarpır. Sektorun ölkə ixracındakı payı isə 6.6%-ə düşüb.
Türkiyədən avtomobil ixracı həcmi ABŞ-a 69%, İtaliyaya 72%, Rusiyaya 57%, Birləşmiş Krallığa 74%, Almaniyaya isə 63% həcmində azalıb. Ümumilikdə, Türkiyənin əsas ixrac bazarı olan 63.3%-lik paya sahib Avropa Birliyinə avtomobil ixracı 81% azalaraq 377 milyon dollar olub.
Minik avtomobillərinin ixracından əldə edilən vəsait 86% azalaraq 132 milyon dollar olub. Minik avtomobillərinin ən çox ixrac edildiyi Fransa, İtaliya və İsrail bazarlarına ixrac 82% civarında geriləyib.