Warren Buffett tərəfindən təsis edilən və 648.91 milyard dollarlıq bazar kapitalizasiyası ilə 2021-ci il üzrə şirkətlərin dünya sıralamasında 9-cu yerdə qərarlaşan “Berkshire Hathaway” səhm portfelində kəskin dəyişikliklərə gedib.
Yaxın günlərdə şirkət tərəfindən ictimaiyyətə açıqlanan hesabata əsasən, şirkət 1.8 milyard dollarlıq “Visa” və 1.3 milyard dollarlıq “Mastercard” səhmlərinin satışını həyata keçirib. Bununla da, balansına 3.1 milyard dollarlıq likvid vəsait əlavə edən şirkətin satınalmalarında əsas nəzərə çarpan məqam “Nubank” olub.
Daim “Bitcoin” və digər kriptovalyutaların əleyhinə çıxış etməsinə baxmayaraq, Buffettin kriptovalyuta dəstəkli “Nubank” neobankının 40 milyon səhmini alması maraq doğurub. Ümumilikdə, 1 milyard dollar məbləğində qərarlaşan bu satınalmanın nəticəsində Braziliya mərkəzli “Nubank” bazar kapitalizasiyasını 52 milyard dollara yüksəldib.
FXStreet