Dünyanın ən böyük onlayn informasiya mənbəyi olan “Wikipedia” daha bir yeniliyə imza atıb. Belə ki, sırf ingilis dilində 6.3 milyondan çox məqaləyə sahib olan bu onlayn platforma artıq “Apple Pay” tətbiqetməsi vasitəsilə ianələrin qəbuluna başlayıb. Sözügedən platforma vebsaytında reklamlara yer ayırmadığından xüsusi gəlir mənbəyinə sahib deyil. Bu səbəbdən, ianələr saytın fəaliyyətinin davam etdirilməsi üçün yeganə maliyyə dəstəyidir.
“Apple Pay” ilə ianə funksiyası hazırda bütün ölkələrdə əlçatan olmasa da, yaxın dövrlərdə əhatə dairəsinin genişləndirilməsi nəzərdə tutulur. Məlumat üçün qeyd edək ki, bundan əvvəl “Wikipedia” ianələri yalnız bank kartları, “PayPal” və “AmazonPay” vasitəsilə həyata keçirilə bilirdi.