18 iyun 2020-ci il tarixində Azərbaycan Banklar Assosiasiyasının təşkilatçılığı və “Yapı Kredi Bank Azərbaycan” QSC-nin dəstəyi ilə ABA-ya üzv bankların nümayəndələri üçün vebinar keçirilib.
“Yapı Kredi Bankası Türkiye – pandemiya dövründə müştəri təcrübəsi və xidmət modeli” adlı vebinarda “Yapı Kredi Bankası”nın Rəqəmsal Bankçılıq üzrə Marketinq rəhbəri Esra Sennaroğlu təqdimatla çıxış edib. Həmçinin bankın marketinq departamentinin nümayəndələri Özge Panayırcı və Miray Soydan da mövzu üzrə fikir bildirərək, sualları cavablandırıb.
Təqdimat zamanı aşağıdakı mövzular müzakirə edilib:
- pandemiya dövründə bank xidmət modeli hansı istiqamətdə dəyişdi;
- rəqəmsal kanallardan müştərilərlə necə əlaqə quruldu;
- hansı datalar analiz edildi;
- hansı əlavə xidmətlər göstərildi;
- pandemiyadan sonra müştəri təcrübəsi necə olacaq;
- ümumilikdə bankları nələr gözləyir.
Maraqla qarşılanan vebinarda 70 nəfər bank nümayəndəsi iştirak edib. Aktiv keçən vebinar zamanı pandemiyadan əvvəl və pandemiya dövründəki müxtəlif sahələr üzrə datalar rəqəmlərlə müqayisə edilib, müştəri davranışlarıın necə dəyişdiyi göstərilib, həmçinin Türkiyə banklarında pandemiya ilə əlaqədar hansı qərarların qəbul edildiyi və s. mövzular üzrə müzakirələr aparılıb.