Azərbaycanda 2025-ci ilin yanvar–sentyabr aylarında yaşam sığortası üzrə toplanan sığorta haqlarının məbləği 545,4 milyon manat təşkil edib.
BBN.az Azərbaycan Mərkəzi Bankının (AMB) məlumatlarına istinadən xəbər verir ki, bu göstərici ötən ilin eyni dövrü ilə müqayisədə 18,3% və ya 84,4 milyon manat artım deməkdir.
Son bir il ərzində bu sığorta növü üzrə ödənişlərin həcmi də əhəmiyyətli dərəcədə artıb – məbləğ 118,6 milyon manat və ya 33,2% yüksələrək 476,3 milyon manata çatıb.
Müqayisə üçün qeyd edək ki, 2024-cü ilin yanvar–sentyabr aylarında yaşam sığortası üzrə yığımlar 461 milyon manat, ödənişlər isə 357,7 milyon manat olmuşdu.