Görkəmli oftalmoloq, akademik Zərifə Əliyevanın 100 illiyi münasibətilə onun adını daşıyan Ro-Pax tipli gəminin təsviri əks olunmuş poçt markası hazırlanıb.
Bu barədə “Azərbaycan Xəzər Dəniz Gəmiçiliyi” QSC-dən (ASCO) məlumat verilib.
Bildirilib ki, ASCO-nun təşəbbüsü ilə Rəqəmsal İnkişaf və Nəqliyyat Nazirliyinin tabeliyindəki “Azərpoçt” MMC-nin hazırladığı poçt markası Belarusun “Bobruisk İnterated Printing House” çap evində işıq üzü görüb.
Yüksək keyfiyyətlə çap olunmuş poçt markasının ölçüsü 52×37 millimetrdir. Markanın nominal dəyəri 1 manatdır.
Bu markanın dövriyyəyə buraxılması dənizçilərin görkəmli oftalmoloqa sonsuz ehtiramının bariz nümunəsi olmaqla yanaşı, dünyada filateliyaya marağın yenidən artdığı bir vaxtda əsl kolleksiyaçılar üçün də böyük töhfədir.