Donald Trampın İranla bağlı açıqlamaları fonunda dünya bazarlarında neftin qiymətlərində kəskin ucuzlaşma qeydə alınıb.
Londonun ICE Futures birjasında Bakı vaxtı ilə saat 09:16-ya “Brent” markalı neftin mart fyuçersləri 2,15 ABŞ dolları (3,23 %) ucuzlaşaraq 1 barel üçün 64,37 ABŞ dolları səviyyəsində formalaşıb. Qeyd edək ki, əvvəlki ticarət sessiyasında “Brent” 1,05 ABŞ dolları (1,6 %) bahalaşaraq 66,52 ABŞ dollarına yüksəlmişdi.
Eyni zamanda, Nyu-Yorkun NYMEX əmtəə birjasında “WTI” markalı neftin fevral fyuçersləri 2,03 ABŞ dolları (3,27 %) azalaraq 1 barel üçün 59,99 ABŞ dolları təşkil edib. Əvvəlki sessiyada isə müqavilənin dəyəri 0,87 ABŞ dolları (1,42 %) artaraq 62,02 ABŞ dollarına çatmışdı.