Hərracda 2007-ci il istehsalı olan “iPhone” 190.000 dollara satılıb.
BBN.az BBC Business-ə istinadən xəbər verir ki, əsasən “iPhone”ları aldıqdan sonra, onların real dəyəri enir. Ancaq ABŞ-da keçirilən hərracda isə bunun əksi baş verib.
Qeyd edək ki, 4 GB yaddaşı olan “iPhone” hərracda satılan modeli ilk dəfə 2007-ci ildə “Apple”ın CEO-su Stiv Cobs tərəfindən təqdim edilib. 2 ay keçdikdən sonra isə texnologiya nəhəngi smartfonun qiymətində endirim təklif etmişdi. Təqdim edilən zaman orijinal qiyməti isə 599 dollar idi. Daha sonra elə həmin ildə istifadəçilərə daha çox, daha dəqiq 8 GB yaddaş həcmi təklif edən telefon 100 dollar daha baha satılırdı.
Xatırlatmaq yerinə düşər ki, Stiv Cobs 2011-ci ildə 56 yaşında ikən mədəaltı vəzi xərçəngindən vəfat etmişdir. Zaman-zaman Stiv Cobsun həyatı ilə bağlı olan şəxsi əşyalar, yaxud “iPhone” smartfonları hərraca çıxarılmaqla satılır.