Ötən, 2022-ci ildə Argentinada qiymətlər 2 dəfə artmışdı və ölkədə inflyasiya isə son 30 ildən çox müddətdə ilk dəfə ən yüksək səviyyəyə çatmışdı. Rəsmi məlumatlara əsasən dekabrın sonunda başa çatan son 12 ayda istehlakçı qiymətləri 94.8% artmışdı.
BBN.az BBC Business-ə istinadən xəbər verir ki, bu isə ona işarədir ki, Cənubi Amerika ölkəsi 1991-ci ildən bu yana ən sürətlə artan inflyasiya ilə üz-üzə qalmışdı.
2022-ci ildə Argentinanın Mərkəzi Bankı yaşam xərclərinin yüksəlməsinin qarşısını almaq üçün əsas faiz dərəcələrini 75% artırmışdı. Aylıq bazada ölkənin aylıq inflyasiya dərəcəsi dekabrda 5.1%-də dayanmışdı. Aylıq nəticələr isə Prezident Alberto Fernandezin rəhbərliyi altında hökumətin kiçik qələbəsi hesab edilir. Belə ki, ölkənin rəsmi inflyasiyası iyuldakı pik inflyasiya göstəricisi olan 7.4%-dən aşağıdır.