2026-cı ildə Azərbaycan dövlət büdcəsinin gəlirləri 38,423 milyon manat proqnozlaşdırılır. Maliyyə Nazirliyinin məlumatına görə, büdcə gəlirlərinin 43,8%-i (16,821 milyon manat) Dövlət Vergi Xidmətinin xətti ilə daxilolmalardan formalaşacaq. Bu, cari ilin təsdiq olunmuş göstəricisindən 8,5%, 2024-cü ilin icra göstəricilərindən isə 6,4% çoxdur.
Büdcəyə daxilolmaların digər mənbələri belədir:
-
Dövlət Neft Fondundan transfert: 12,750 milyon manat (33,2%)
-
Dövlət Gömrük Komitəsi: 6,850 milyon manat (17,8%)
-
Büdcə təşkilatlarının büdcədənkənar daxilolmaları: 1,021 milyon manat (2,7%)
-
Sair gəlirlər: 981 milyon manat (2,6%)
Dövlət Vergi Xidmətindən daxilolmaların 78,6%-i qeyri-neft-qaz sektoru, 21,4%-i neft-qaz sektorunun payına düşəcək. Gömrük komitəsi üzrə daxilolmalar isə ÜDM-in 5,1%-i həcmində proqnozlaşdırılıb.
Beləliklə, büdcə gəlirlərinin ümumilikdə 61,6%-i vergi və gömrük xətti ilə təmin olunacaq. Gəlirlərin 42,6%-i neft-qaz sektorundan, 57,4%-i isə qeyri-neft-qaz sektorundan formalaşacaq.