Expressbank 2023-cü il ərzində həyata keçirdiyi uğurlu layihələrə görə Azərbaycan Banklar Assosiasiyası tərəfindən 4 nominasiyada mükafatlandırılıb. Qeyd edək ki, ötən il Expressbank tərəfindən çoxsaylı korporativ sosial məsuliyyət layihələri, təhsil və maliyyə savadlılığının dəstəklənməsi tədbirləri reallaşdırılıb. Məhz bu fəaliyyətinə əsasən bank “Korporativ sosial məsuliyyət”, “Maliyyə savadlılığı dəstəkçisi”, “Təhsil dəstəkçisi” və “Özünüməşğulluq proqramında iştirak” nominasiyaları üzrə qalib olub.
Daim yenilik və innovativlik çağırışında olan Expressbank Korporativ Sosial Məsuliyyət layihələrinə dəstək olmaqla gənclərə bilik və bacarıqlarını inkişaf etdirmək, aztəminatlı ailələrə isə şəxsi bizneslərini yaratmaq və gəlir qazanmaq üçün dəstək olmaqda davam edir.