Ölkələrin müvafiq dövlət qurumları tərəfindən edilən birgə bəyanatda, sürətli inkişafı və böyüməsi ilə ayaqlaşmaq və qlobal vergi şəffaflığında qazancları qorumaq üçün OECD tərəfindən hazırlanmış yeni beynəlxalq standart olan Kripto Aktivlərin Hesabat Çərçivəsini (CARF) müsbət qarşılandığı bildirilib.
BBN.az xəbər verir ki, bəyanatda CARF-in geniş şəkildə, ardıcıl və vaxtında tətbiqinin vergi öhdəliklərinə əməl olunmasını və ölkələrin vergidən yayınmaların qarşısını almaq imkanlarını daha da yaxşılaşdıracağı, 2027-ci ilə qədər CARF-in tətbiqi üçün zəruri hüquqi və əlaqələndirilmiş araşdırmaların aparılacağı qeyd olunub.
“Vahid hesabat standartını imzalayanlar olaraq, biz bu standartları həmin qrafikə uyğun və qüvvədə olan milli qanunvericilik prosedurlarına uyğun həyata keçirəcəyik”, – ifadəsi bəyanatda daxil edilib.
Sözügedən 48 ölkə və yurisdiksiya aşağıdakı kimi sıralanıb: Ermənistan, Avstraliya, Avstriya, Barbados, Belçika, Beliz, Braziliya, Bolqarıstan, Kanada, Çili, Xorvatiya, Cənubi Kipr Rum Administrasiyası, Çexiya, Danimarka, Estoniya, Finlandiya, Fransa, Almaniya, Yunanıstan, Macarıstan, İslandiya, İrlandiya, İtaliya, Yaponiya, Cənubi Koreya, Lixtenşteyn, Litva, Lüksemburq, Malta, Meksika, Hollandiya, Norveç, Portuqaliya, Rumıniya, Sinqapur, Slovakiya, Sloveniya, Cənubi Afrika, İspaniya, İsveç, İsveçrə, Böyük Britaniya və Amerika Birləşmiş Ştatları, Gernsi və Cersi Dominionları və Men Adası və Birləşmiş Krallıq Kayman adaları və Cəbəllütariqin Xarici Əraziləri.