7 oktyabr 2025-ci il tarixində Azərbaycan Banklar Assosiasiyası (ABA), təşkilata üzv bankların nümayəndələri ilə DOST Agentliyi və DOST Rəqəmsal İnnovasiyalar Mərkəzinin rəhbər şəxslərinin iştirakı ilə onlayn formatda görüş keçirilmişdir. Görüşdə bank xidmərlərinin göstərilməsi zamanı elektron arayışlardan istifadə, bununla bağlı qarşıya çıxan məsələlərin müzakirəsi aparılmış, tərəfləri maraqlandırıan suallara cavab verilmişdir. Vətəndaşlara göstərilən xidmətlərin keyfiyyətini artırılmasında rəqəmsallaşmanının əhəmiyyəti xüsusi ilə qeyd edilmişdir.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 2 qeyri-bank kredit təşkilatı, 3 digər təşkilat olmaqla, ümumilikdə 27 təşkilat ABA-nın üzvüdür.