Azərbaycan Banklar Assosiasiyası (ABA) və beynəlxalq ödəniş texnologiyaları şirkəti “Visa Inc.”in birgə təşkilatçılığı ilə 16-17 may 2026-cı il tarixllərində komanda quruculuğu tədbiri təşkil olunmuşdur.
Tədbirin əsas məqsədi bank sektoru nümayəndələri arasında əməkdaşlığın gücləndirilməsi, bankçılıq sahəsində aktual məsələlərin müzakirəsi, eləcə də komanda ruhunun inkişaf etdirilməsi olmuşdur.
Tədbir zamanı “Visa Inc.” tərəfindən Azərbaycan Banklar Assosiasiyası və Assosiasiyaya üzv bəzi banklar müxtəlif nominasiyalar üzrə mükafatlandırılmış, rəqəmsal ödənişlərin inkişafına, innovativ həllərin tətbiqinə və bank sektorunda əməkdaşlığın genişləndirilməsinə verdikləri töhfələr yüksək qiymətləndirilmişdir.
Qeyd edək ki, ABA mütəmadi olaraq üzv banklar, Ekspert Qrupları və tərəfdaş qurumlarla birgə forumlar, seminarlar, müsabiqələr və digər inkişafyönümlü tədbirlər təşkil edir. Bu kimi təşəbbüslər sektorda əməkdaşlığın gücləndirilməsi, peşəkar bilik və təcrübə mübadiləsinin təşviqi baxımından mühüm əhəmiyyət daşıyır.